Útlánið á Klaksvíkar bókasavni hevur ongantíð verið so høgt sum í 2011. Í farna ári vóru 28602 bøkur læntar út, og er hetta met hjá bókasavninum. Samanborið við 2010 eru 1600 bøkur meira læntar út í 2011.

Á bókasavninum hava tey merkt, at tað hevur verið meira at gjørt í fjør í mun til onnur ár. Serliga í samband við uppgávur hjá miðnáms- og fólkaskúlanæmingum, men eisini í heila tikið hava fleiri vitjanir verið í ár, og hetta fegnast tey um á bókasavninum.

Undirsjóvartunnulin ger, at eisini nógv fólk úr Eysturoynni og aðrastaðni í landinum koma at lána á Klaksvíkar bókasavni.